في حالة اذا لم يتعرف الجهاز علي الفلاش ميموري

اذا لم يتم التعرف علي الفلاش ميموري علي اي جهاز و تاكدت ان العيب في الفلاشه و اعطت صورة كهذه



وعلي فكرة دا مش جهازي دي من جهاز اخونا sww ما علينا نرجع لوضوعنا التصرف هيكون ازاي؟؟
طبعا في الحالة دي البيد و الفيد يساوي 0000 او صفر بالعربي و نوع الشيب و رقم الكنترول مفيش يعني الكمبيوتر مش عارف يحدد ايه ده


بيد و فيد و شيب و كنترول ؟؟ اه صحيح اصلي نسيت المفروض تعدي علي الموضوع ده الاول
تصليح الفلاش ميموري ---كلام نهائي--
ودي مش دعاية بس اساس الموضوع هناك و دي تكملة بمناسبة فلاشه الاخ sww
ولا دعاية ايه المشكلة يعني


خد المثل ده الاول

ايه الفرق بين safe mode و الوضع العادي بالنسبة للويندوز في الوضع
الامن الجهاز بيلغي تعريفات و حاجات و بيشتغل في اقل وضعية ممكنة علشان
تعرف تدخل و تشوف سبب المشكلة وممكن الجهاز بيكون يدخل علي الوضع الامن و
الوضع العادي لا
نفس الكلام الشورت سيركت هي الوضع الامن بتاع الفلاشة


طيب نشرح الفكرة برضه باختصار علشان الملل اللي حصل في الموضوع السابق
كل فلاشة فيها حاجه اسمها chip controller.
دا بينظم نقل الداتا بين الكمبيوتر و الفلاش ميموري و في نفس الوقت بيدير الfirmware
وفي جزء من ال firmware بيكون مكتوب في ال memory chip

مثال توضيحي
ايه الفرق بين safe mode و الوضع العادي بالنسبة للويندوز في الوضع
الامن الجهاز بيلغي تعريفات و حاجات و بيشتغل في اقل وضعية ممكنة علشان
تعرف تدخل و تشوف سبب المشكلة وممكن الجهاز بيكون يدخل علي الوضع الامن و
الوضع العادي لا
نفس الكلام الشورت سيركت هي الوضع الامن بتاع الفلاشة
ممكن في حالات اختلال الكهربة او النزع الخطا و حالات اخري بيحصل انهيار في firmware controller
فلما تيجي توصل الفلاشه لا يستجيب لاوامر الويندوز

اقطع دراعي ان كانت وصلت

انا اصلا مليش في الهندسه و دي عاوزه واحد مهندس كهربة ما علينا
نتيجه الخلل ده متنوعه ممكن يدي
disk is write protected
size 0 mb
raw format
الاخطاء السابقه غالبا بيكون الجهاز قاري البيد و الفيد فطريقه الموضوع المذكور بتنفع معاها بس لو نتجا عن الخطا ان الفلاشه بقت
unknown device
في الحالة دي الجهاز مش عارف اصلا ايه ده فالحل هنا كما قرات انك هتفك الفلاشه و تحاول تعدي القفله اللي حصلت دي
اولا الفلاشه من جوه غالبا بتكون كده

ال chip controller عادة علشان يشتغل مظبوط بيطلب داتا معينه من memory chip
اللي احنا هنعملة نعمل كوبري بالانجلبزي shot circuit
يعني هنحاول نشغل ال controller بدون ما يعدي علي ال memory
ازاي
من الرسمة اللي فوق ومعظم الفلاشات كده ال memory chip له 48 رجل
و قبل ما حد يحسدني طبعا انا معدتشي هما قولو كده
بص و دقق كده

ازاي بنعدهم
لو تاخد بالك في دابرة فوق علي الشمال كده دي بتكون جنب رقم 1
و بعدين بننزل من فوق لتحت عكس عقارب الساعه

اريحك بص علي الصورة دي احسن


جميل جدا
و بعد كده
قبل ما توصل الفلاشه بالجهاز وصل بين الرجل 29 و 30 بابرة مثلا
وبعدين وصلها بالجهاز احتمال كبير انه هيقراها ان شاء الله
وفي شيبات لازم توصل ارجل تانيه 30و 31
31و32
41و42
43و42
44و43
وفي فلاشات زي الحمرا اللي فوق دي بيكون فيها حاجه اسمها test points لنفس الغرض

و نقطة تانيه ماتقعدشي موصل الرجلين كتير يعني مجرد ما الجهاز يشوف الفلاشه
و في واحد قال انك ممكن توصل الفلاشه الاول و الجهاز طبعا مش هيعرفها و
بعدين توصل لمجرد لحظة بين الرجلين فهتلاقي الاستجابة فورية ان ماكنشي غير
مكان التوصيل و متهيالي الطريقه دي احسن و اامن


طيب الفلاشه اشتغلت ــ قول يا رب ــ و بعدبن هقعد كل مرة اوصل بابرة لا طبعا
هي لو اشتغلت يعني الجهاز هيشفها المرادي و هيتعرف عليها تقوم واخدها و مفرمتها علشان تفك القفلة سبب البلاوي دي

طيب هفرمتها ازاي انت قولت ان القفله غالبا هتدي مشاكل تانيه اشهرهم الديسك محمي ضد الكتابة
ارجع تاني و اقولك بص علي الموضوع بتاع تصليح الفلاش ميموري كلام نهائي


يعني الموضوع المذكور اساسا للفلاش اللي في مشكلة بسالكنترول شيب محددو
لسه مقريين و الموضوع ده تكملة لو الحالة صعبة قوي انا بصراحه كنت متردد في
طرحه اولا لاني لم اجربه قبلا بس الطريقه ناجحه و ثانيا بحب اشتغل انا من
السوفت ويير بس فلاشه اخونا هي بقي اللي حالتها صعبه
و طبعا اللي هيفك فلاشته علي مسؤليته الخاصه والخاصه قوي و طبيعي انت مش هتفكها الا اذا كانت حالتها الارض و فقدت الامل فيها يعني بالمصري ضربوا الاعور علي عينه

بس حبيت انبه برضه

ملحوظه في فلاشات عدد الارجل مختلف و فلاشات فيها اكتر من memory chip
الطريقه ناجحه برضه بس اماكن التوصيل هي اللي هتختلف كليا
الطريقه السابقه لل ميموري شيب ذو 48 رجل